Ýnıversıtette shyqqan órtti sóndirýshiler oq astynda qalyp, 24 adam jaralandy
ASTANA. 13 qańtar. QazAqparat - Fılıppınniń Kotabato ońtústik ólkesi ýnıversıteti aýmaǵynda shyqqan órtti sóndirý barysynda órt sóndirýshiler men polıtsııaǵa granatometpen oq atyldy,
dep habarlady Assoshıeıted Press.
Agenttiktiń aqparatyna qaraǵanda, órt Arakan qalasyndaǵy joǵary oqý ornynyń turǵyn úı aýmaǵynda shyqqan. Oqıǵa ornyna órt sónirýshiler, polıtsııa qyzmetkerleri jáne qutqarýshylar jetken. Jergilikti polıtsııa ókiliniń aıtýynsha, dál osy sátte belgisiz adamdar órt sóndirý kóligine granatometpen oq atyp, oqıǵa ornynan iz sýytqan. Sonyń saldarynan 24 adam jaraqat alyp, onyń ekeýi óte aýyr halde aýrýhanaǵa jetkizildi. Qazirgi ýaqytta polıtsııa qaskúnemderdi izdestirýde.
Aıta keterligi, Fılıppınniń ońtústiginde 1990 jyly «Ál-Kaıda» basshysy Ýsama ben Ladenniń qarjysy esebinen qurylǵan «Abý-Saııaf» lańkestik uıymy belsendi áreket etýde. Dál osy osy uıym 2004 jyly Fılıppın tarıhyndaǵy eń iri lańkestik áreket jasaǵan edi. Olar ishki reısti oryndaıtyn saldy jaryp jiberip, saldarynan 200-den astam adam ajal qushqan bolatyn.
