Ýnıversıtette 4 jyl oqý qazirgi zaman úshin tym uzaq – Saıasat Nurbek
ASTANA. KAZINFORM – Ǵylym jáne joǵary bilim mınıstri Saıasat Nurbek elordada ótken forýmda joǵary bilim naryǵyndaǵy jańa trendterdiń dástúrli oqý formatyn ózgerte bastaǵanyn aıtty.
«Bilim salasyn zertteıtin HolonIQ deıtin aýstralııalyq halyqaralyq agenttik bar. Sonyń 2024 jylǵa arnalǵan esebi shyqty. Ol esepte bıyl trendte bolatyn eki negizgi qubylys atalǵan. Onyń birinshisi – joǵary bilim salasynda jańa daǵdylar men jańa biliktilikterdiń paıda bolýy. ıAǵnı, bizdiń qatyp qalǵan 4 jyldyq, 3 jyldyq, 5-6 jyldyq oqytý tsıkldarymyz – uzaq. Eńbek naryǵy olardy kúte almaıdy. Eńbek naryǵyna qysqa ýaqytta neǵurlym kóp adamdy jańa daǵdylarǵa úıretetin quraldar qajet. Buǵan deıin biliktilik arttyrý trendte bolsa, endi kez kelgen qyzmetkerdiń negizgi bilim bazasyn qysqa merzimde zaman talabyna saı daǵdylarmen aýystyrý trendte bolady. ıAǵnı, daıyn mamandy 2-3 aılyq kýrs arqyly jańa tehnologııalarǵa úıretý ózekti bolmaq», - dedi Saıasat Nurbek.
Sondaı-aq, ol JOO-lardyń básekege qabiletin anyqtaıtyn jańa ındeks paıda bolatynyn atap ótti.
«Biz joǵary oqý oryndarynyń tsıfrlyq jáne jasandy ıntellekt tehnologııalaryna daıyn bolý ındeksine qosylý týraly sheshim qabyldadyq. Bıyldan bastap bizdiń JOO-lar osy ındekspen aqyryndap baǵalana bastaıdy. Bul – erikti. Bizdiń tarapymyzdan eshqandaı kóndirý bolmaıdy. Indekstiń negizgi maqsaty – kez kelgen joǵary oqý ornynyń joǵary tehnologııalarǵa qanshalyqty daıyn ekenin baǵalaý.
Sońǵy jańalyqtardy estigen shyǵarsyzdar, OpenAI (ChatGPT jobasynyń menshik ıesi) oqý oryndarymen birlesip jumys isteı bastady. Onyń ishinde Arizona State University de bar. ASU qazir dúnıejúzindegi tolyqqandy ýnıversıtet bolyp esepteledi. Bizdiń joǵary oqý oryndaryna da osy baǵytta aqyryndap oılaný kerek», - dedi mınıstr.
