Ýnıversıtette 14 adam qaza bolyp, 25-i jaraqattandy: Chehııada qaraly kún jarııalandy
Chehııa bıligi Praga ýnıversıtetinde oq jaraqatynan kóptegen adamnyń qaza bolýyna baılanysty senbi, 23 jeltoqsandy memlekettik qaraly kún dep jarııalady. Bul týraly eldiń premer-mınıstri Petr Fıala aıtty. Kazinform bul týraly MIR24 telearnasyna silteme jasap habarlaıdy.
Bul sheshim respýblıka prezıdenti men tómengi palata spıkeriniń qatysýymen ótken úkimettiń kezekten tys otyrysynda qabyldandy.
Buǵan deıin habarlaǵanymyzdaı, 21 jeltoqsan kúni keshke Pragada ornalasqan Karlov ýnıversıtetinde 24 jastaǵy stýdent qarýdan oq jaýdyrdy. Ol oqý ornyna ózdiginen oqtalatyn vıntovkamen kelip, aýdıtorııadaǵy stýdentter men tereze túbinde júrgen adamdarǵa oq ata bastady.
Saldarynan 14 adam qaza tapty, taǵy 25-i jaraqat aldy. Dárigerlerdiń sózinshe, 11 adamnyń jaǵdaıy aýyr. Polıtsııa málimetinshe, qarýly stýdenttiń kózi joıyldy. Keıbir BAQ-tyń jazýynsha, qaıǵyly oqıǵada 15 adam kóz jumǵan.
