Ýnıversıtetke túsetin kolledj túlekteri 60 suraqqa ǵana jaýap berýi tıis - Saǵadıev
ASTANA. QazAqparat - QR Bilim jáne ǵylym mınıstri Erlan Saǵadıevtyń aıtýynsha, qazirgi ulttyq biryńǵaı testileýde kásibı-texnıkalyq bilimniń barlyq pánderi qarastyrylmaǵan. Kolledjder osy máseleni burynnan beri kóterip keledi. Sebebi onyń kesirinen kolledj túlekteriniń kóbisi joǵary oqý oryndaryna túse almaı jatady, dep xabarlaıdy QazAqparat tilshisi.
«Qazirge kezde kolledj túlekteri joǵary oqý ornyna túsý úshin ulttyq biryńǵaı testileýdi tapsyrady. Alaıda testte kórsetilgen tapsyrmalardyń basym bóligin olar kolledjde oqymaıdy. Sol sebepti kolledjder kópten beri bólek emtıxandy engizýdi talap etip keledi. Kelesi jyldan bastap ondaı emtıxan engiziledi», - dedi Úkimettiń búgingi otyrysynda E.Saǵadıev.
Mınıstrdiń sózine qaraǵanda, keshendi testileýdiń jańa júıesi boıynsha kolledj túlekteri 60 suraqqa jaýap berýi tıis. Sonyń ishinde 20-sy jalpy pánder boıynsha jasalsa, 40 suraq onyń óz mamandyǵy boıynsha bolady.
«Alaıda kolledj túlegi basqa salaǵa baratyn bolsa, ulttyq biryńǵaı testileýdi tapsyrýǵa týra keledi. Máselen, pedagogıka boıynsha bilim alǵan kolledj túlegi joǵary oqý ornyna óz mamandyǵy boıynsha qujat tapsyrsa, testti jańa júıe boıynsha tapsyrady. Al basqa mamandyqty tańdasa, ulttyq biryńǵaı testileýden ótedi», - dep atap kórsetti Saǵadıev.
