Ýnıversıtet ustazdary mereıtoı aıasynda tájirıbelerimen bólisti - Qyzylorda oblysy
QYZYLORDA. QazAqparat - Qorqyt Ata atyndaǵy Qyzylorda memlekettik ýnıversıtetiniń 80 jyldyq mereıtoıy jalǵasyn tabýda. Ýnıversıtettiń «Juldyzdy 30 kún» taqyrybyndaǵy medıa jospary boıynsha Pedagogıka, Jaratylystaný jáne Ekonomıkalyq teorııa jáne memlekettik basqarý fakýltetteri ardager-ustazdarmen kezdesip, olardyń estelikteri men ǵıbratty áńgimelerine qanyqty. Oǵan ýnıversıtettiń professor-oqytýshylary , magıstranttar, stýdentter jáne BAQ ókilderi qatysty, - dep habarlady QazAqparat tilshisi.
Ekonomıkalyq teorııa jáne memlekettik basqarý fakýlteti e.ǵ.k., Asylbek Naýryzbaev, Bolat Toqjolov syndy ardagerlerimen saltanatty kezdesý sharasyn uıymdastyrsa, Jaratylystaný fakýlteti p.ǵ.k., professor, halyqaralyq bilim akademııasynyń korrespondent-múshesi Kúlbaram Sádýaqasqyzynyń eńbek jolyndaǵy estelikterin tyńdady. Al Pedagogıka fakýlteti «Mýzykalyq bilim», «Kásiptik bilim berý», «Pedagogıka jáne psıhologııa» mamandyqtary jáne «Syr sulýy» ansambliniń 20 ardager-ustazymen kezdesip, olar keıingi býyn oqytýshylaryna kóp jyldyq tájirıbelerin bólisti. Shara barysynda stýdentter ardagerler tarapyna túrli saýaldar joldap, erkin áńgime alańyn qurdy.
Ustazdar qaýymy kezdesý barysynda Elbasynyń Ult jospary - bes ınstıtýtsıonaldyq reformany júzege asyrý jónindegi 100 naqty qadamy týraly oı-pikirlerimen de bólisti.
Mysaly osy eńbektiń 76-qadamynda: EYDU elderi standarttarynyń negizinde adam kapıtalynyń sapasyn kóterý, 12 jyldyq bilim berýdi kezeń-kezeńimen engizý jaıy naqty aıtylǵan. Sonymen birge, fýnktsııalyq saýattylyqty damytý úshin mekteptegi oqytý standarttaryn jańartý. Joǵary synyptarda janbasylyq qarjylandyrýdy engizý, tabysty mektepterdi yntalandyrý júıesin qurý máselesi kótergen. Munan keıingi 77-79-qadamdarda da ýaqyt talabymen úndesetin bilim salasy máseleleri talqylanǵan.
