Ýnıversıtet túlekteri memlekettik basqarýdyń ne ekenin de bilmeıdi - professor T.Bóribaev
ASTANA. 30 sáýir. QazAqparat - Búginde joǵary oqý ornyn bitirgen mamandar memlekettik basqarýdyń ne ekenin de bilmeıdi. QazAqparat tilshisine suhbat bergen QR Prezıdenti janyndaǵy Memlekettik basqarý akademııasynyń professory Tóleýǵalı Bóribaev osy máseleni erekshe atap ótti.
«Sol sebepti bizdiń qazirgi joǵary oqý oryndaryna aıtar nazymyz bar. Joǵary oqýdy bitirgen mamandar memlekettik basqarýdyń ne ekenin de bilmeıdi. Sonyń saldarynan olar memlekettik basqarýdyń tehnologııasyn qaıtadan ıgerýge májbúr bolyp jatady. Osyǵan baılanysty «Ondaı túlekter memlekettik qyzmetke jaraı ma?», «Olar memlekettik qyzmettiń talaptaryna saı kele me?» degen suraqtar týyndaıdy. Bile bilsek, búginde «Memlekettik jáne jergilikti basqarý» mamandyǵy boıynsha kez kelgen joǵary oqý orny maman daıarlaý jumysyn júrgizip keledi», - deıdi T.Bóribaev.
