Ýnıversıtet oqytýshylaryna jalaqy tóleýdiń jańa júıesi iske qosylady

ASTANA. QazAqparat – Professorlyq-oqytýshylyq quramǵa jalaqy tóleýdiń jańa júıesi ázirlenedi. Bul týraly elordadaǵy joǵary bilim jáne ǵylym forýmynda Premer-mınıstrdiń orynbasary Tamara Dúısenova aıtty, dep habarlaıdy QazAqparat tilshisi.

«Jalaqyǵa qatysty problemanyń mán-jaıynan habardarmyn. Jalpy, osy salada eńbekaqy laıyq deńgeıde baǵalanýy kerek. Greıd negizinde jańa jalaqy júıesin ázirleý kerek. Shkala shegindegi jalaqynyń ózgerýi mamannyń quzyretine, jumys nátıjelerine baılanysty bolady. Mundaı júıe óte ıkemdi. Mınıstrlik eńbekaqy tóleýdiń úlgilik júıesin ázirleýi qajet, keıin ol árbir uıymnyń erekshelikterine qaraı beıimdeledi. ıAǵnı osy qadamdar bul jumystyń birinshi bóliginde qamtylǵan», - dedi T. Dúısenova.

Osy oraıda ol professorlyq-oqytýshylyq quramǵa jalaqy tóleýdiń jańa júıesine qatysty tapsyrma júktedi.

«Eger biz professorlyq-oqytýshylyq quramǵa jalaqy tóleýdiń jańa júıesine kóshetin bolsaq, onda onyń granttar qunynyń qurylymyndaǵy áserin qaraý kerek. Jańa júıe jalaqy úlesi qurylymyna, sondaı-aq grant qunyna da áser etýi múmkin. Mınıstrlik joǵary oqý oryndarynyń rektorlarymen birlese bıylǵy qarashaǵa deıin aıaqtaýy tıis. ıAǵnı jyl sońyna deıin joǵary oqý oryndarynyń qyzmetkerlerine jalaqy tóleýdiń jańa tetigi boıynsha sheshim qabyldaý úshin osy jumysty aıaqtaýdy tapsyramyn», - dedi Úkimet basshysynyń orynbasary.