Ýnıversıdanyń júlde qory Álem chempıonatynan joǵary
ALMATY. QazAqparat - Qazaqstandyq sportshylar 2017 jylǵy jazǵy Ýnıversıadada 2015 jylǵy Álemdik chempıonattan da kóp aqsha alatyn boldy. Bul týraly Almatyda ótken baspasóz máslıhaty barysynda Ulttyq shtattyq komandalar jáne sporttyq rezervi dırektsııasy dırektorynyń orynbasary Alekseı Krıýchkov aıtty.
Ol chempıondar arasynda qazaqstandyqtar da bolatynyna senim bildirdi.
«Qazaqstan namysyn bizdiń olımpıada chempıondary Dmıtrıı Balandın, Otgontsegtseg Galbadrah, Denıs Ýlanov, Farhad Harkı qorǵaıtyn bolady. Olarǵa artatyn úmitimiz kóp», - dedi ol.
Onyń aıtýynsha, álemdik Ýnıversıada jeńimpazy 15 myń AQSh dollaryn alady, al Álem chempıonatynda 5 myń AQSh dollaryn bergen bolatyn.
Aıta ketý kerek, sporttyq doda 19-30 tamyzda Taıbeıde ótedi.
Aıtýly jarysta sportshylar 21 sport túrinen baq synaspaq.
Qazaqstannyń namysyn 121 atlet qorǵaıdy.
Alaýdy taekvandodan kúmis medal ıegeri Smaıyl Dúısenbaı alyp júredi.
Esterińizge sala keteıik, 2015 jylǵy jazdyq ýnıversıada Ońtústik Koreıadaǵy Kvandjý qalasynda ótken bolatyn.
Qazaqstandyq qurama sol kezde 10 medal (6 altyn, 4 qola) ıelengen bolatyn.
Jalpy esepte Qazaqstan quramasy 11-orynǵa turaqtady.
Bıyl uıymdastyrý komıteti sport baǵdarlamasyna aýyr atletıka, roller-sport, ýshý sport túrlerin engizdi.
