Ýnıversıadanyń 77 myńnan astam bıleti satyldy
ASTANA. QazAqparat - 28-shi Búkilálemdik qysqy Ýnıversıada oıyndarynyń 77 myńnan astam bıleti satyldy. Bul týraly búgin QR Úkimetiniń selektorlyq rejimdegi otyrysynda Almaty qalasynyń ákimi Baýyrjan Baıbek málim etti, dep habarlaıdy QazAqparat.
«Búgingi kúni Ýnıversıada jarystarynyń 200 myń bıletiniń 77 200-i satyldy. Bul 39 paıyzdy quraıdy. Máselen, eger ótken aptada ortasha eseppen kúninen 600 bılet satylsa, osy aptada kúnine 1300 bılet satylýda. Bul korporatıvtik satylymdardy qospaǵandaǵy derek. Bizdiń tájirıbemizge sáıkes, bıletter satylymynyń shyrqaý shegi qańtardyń 23-28 aralyǵyna dóp keledi», - dedi Baıbek.
Sonymen qatar ol Ýnıversıada jarystary álemniń kóptegen elderine tikeleı taratylatyndyǵyn, kórermen sany 1 mlrd.-qa jýyqtaıtyndyǵyn aıtty. Munan bólek, halyqaralyq sporttyq jarys ótetin kúnderi Almatyda kóptegen mádenı sharalardyń da uıymdastyrylatyndyǵyn eskertti.
«Biz 181 sporttyq sharadan bólek 40-tan astam mádenı is-shara ótkizýdi josparladyq», - dedi qala ákimi.
