Ýnıversıadaǵa qatysatyn JOO sany rekordtyq kórsetkishke jetti - FISU
ALMATY. QazAqparat - 2017 jylǵy qysqy Ýnıversıada qatysýshy joǵarǵy oqý oryndarynyń sany jaǵynan rekordtyq kórsetkishke jetti, dedi QazAqparat tilshisi Halyqaralyq stýdentter sporty federatsııasynyń (FISU) prezıdenti Oleg Matytsınniń sózine silteme jasaı otyryp.
«Qatysatyn memleketter, joǵarǵy oqýy oryndary jáne qatysýshylar sany jaǵynan Almatyda ótkeli otyrǵan Ýnıversıada rekord ornatyp otyr», - dedi FISU prezıdenti Oleg Matytsın.
Onyń aıtýynsha, qazirgi ýaqytta 32 el qatysýshy retinde akkredıtatsııadan ótti. Taǵy da basqa sportshylar jarys ýaqyttarynda kelip tirkeýden ótedi. Jalpy, 57 el tirkelgen. 578 Ýnıversıtet ókilderi, 1700 sportshy, 1000 resmı tulǵa qatysady», - dedi Oleg Matytsın.
Sonymen qatar, ol Almatyǵa kelgen qatysýshy memleketter ókilderimen kezdeskende qonaqjaılylyqqa kóńilderi tolyp jatqanyn aıtty.
«Kelip jatqan qonaqtar uıymdastyrý jumystaryna kóńili tolyp jatqanyn aıtty kezdeskenimizde. Joba sátti ótedi dep oılaımyz. FISÝ úshin de bul taǵy bir tájirıbe bolyp otyr», - dedi Oleg Matytsın.
