Ýnıversıadadan alǵashqy altyn: Qazaqstandyq taekvondoshy Rıta Bakısheva chempıon boldy

ASTANA. QazAqparat - Qytaıdyń Chendý qalasynda ótip jatqan HHHІ Jazǵy ýnıversıadada taekvondoshy Rıta Bakısheva (48 keli) chempıon atandy, dep habarlaıdy QazAqparat tilshisi.

Qazaqstandyq sportshy óz salmaǵynda fınalda qytaılyq Taıbeıden kelgen Hýan In Sýannan basym tústi.

Qazirge deıin el quramasy qorjynyna 11 medal tústi.

Onyń ishinde bir altyn, bes-besten kúmis jáne qola medal bar.

Jazǵy ýnıversıada 28 shilde-8 tamyz aralyǵynda ótedi. Onda 10 sport túri boıynsha 90 qazaqstandyq synǵa túsip jatyr.

Eske salsaq, bıyl aıtýly alamanǵa qazaqstandyq sporshylar 15-márte qatysyp otyr. 1993 jyldan beri olar barlyǵy 113 medal enshilep úlgerdi.