Ýnıversıadada qazaqstandyq short-trekshiler ekinshi ret kúmis medal aldy

ASTANA. QazAqparat – AQSh-tyń Leık-Plesıd qalasynda ótip jatqan qysqy ýnıversıadada short-trekten Qazaqstan quramasy kúmis medaldi jeńip aldy, dep habarlaıdy QazAqparat tilshisi.

Qazaqstan quramasynyń bas bapkeri Nurbergen Jumaǵazıevtiń málim etkenindeı, jigitter quramasy 5 myń metrlik estafetada 7:12.409 nátıjemen máre syzyǵyn ekinshi bolyp qıdy.

Ońtústik Koreıa quramasy (7:10.689) jeńimpaz atansa, nıderlandylyq stýdentter (7:12.450) qola júldeni qanaǵat tutty.

Qazaqstan quramasy sapynda Ádil Ǵalıahmetov, Erkebulan Shamuhanov, Valerıı Klımenko jáne Sanjar Janısov óner kórsetti.

Bul – short-trekten Qazaqstan quramasynyń ýnıversıadadaǵy ekinshi kúmis júldesi.

«Osymen ýnıversıadada shorttrekshiler dodasy máresine jetti. Alda álem kýboginiń besinshi jáne altynshy kezeńi bar. Sodan keıin álem chempıonaty ótedi», -dedi QazAqparat tilshisine N.Jumaǵazıev.

Eske sala keteıik, budan buryn ýnıversıadada Qazaqstan quramasynyń short-trekten kúmis medal alǵanyn jazǵan edik.

Foto, vıdeo: Nurbergen Jumaǵazıev