Ýnıversıadada Qazaqstan quramasy short-trekten kúmis medal aldy

ASTANA. QazAqparat – AQSh-tyń Leık-Plesıd qalasynda ótip jatqan qysqy ýnıversıadada qazaqstandyqtar taǵy bir júldeni jeńip aldy, dep habarlaıdy QazAqparat tilshisi.

Bul joly short-trekten Qazaqstan quramasy júldegerler qatarynan kórindi.

Qazaqstandyqtar aralas estafetada 2:47.757 nátıjemen márege ekinshi kelip, kúmis medalǵa ıe boldy. Frantsııa quramasy (2:50.946) ýnıversıada chempıony atansa, Japonııa (2:48.561) úzdik úshtikti túıindedi.

Qazaqstan quramasy sapynda ıAna Han, Málıka Ermek, Alına Ájiǵalıeva, Álisher Ábilqatımov, Ádil Ǵalıahmetov jáne Erkebulan Shamuhanov el namysyn qorǵady.

Olardy Nurbergen Jumaǵazıev bastaǵan mamandar baptap apardy.

Qurama sapynda kúmis júldeger atanǵan Álisher Ábilqatımov pen Alına Ájiǵalıeva Oral qalasyndaǵy Batys Qazaqstan ınnovatsııalyq-tehnologııalyq ýnıversıtetinde oqıdy. Jattyqtyrýshylary - Maksım Lozovoı, Danabek Haıyrov jáne Erhat Qubashev.

Osylaısha, Qazaqstan qorjynyna jetinshi medal tústi.

Qazirgi kezde Qazaqstan 3 altyn, 2 kúmis, 2 qolamen medaldar kestesinde úzdik ondyqta tur. TOP-3-te Japonııa (21-16-10), Ońtústik Koreıa (8-6-6) jáne Polsha (5-6-6) keledi.

Eske sala keteıik, budan buryn ýnıversıadada qazaqstandyq qyzdardyń shańǵydan qola medal alǵanyn jazǵan edik.

Foto: facebook.com/sport07region