Ýnıversıada - jastardyń eń bir jarqyn sporttyq forýmy - N. Nurov
ALMATY. QazAqparat- Almatyda qysqy Ýnıversıada nysandarynyń der kezinde qoldanysqa beriletindigine esh kúmán joq. Bul týraly búgin Almatyda ótken baspasóz máslıhaty barysynda 28-shi Búkilálemdik qysqy Ýnıversıadany daıyndaý jáne ótkizý jónindegi Dırektsııa jetekshisi Naıl Nurov málim etti.
2016 jyldyń maýsym aıynyń basyndaǵy jaǵdaı boıynsha árbir nysan boıynsha atqarylyp jatqan jumystardyń 70-80 paıyzy oryndalǵan. Olardyń ishinde 12 myń orynǵa shaqtalǵan Muz saraıy da bar. Nysandardy paıdalanýǵa berý ústimizdegi jyldyń tamyz-qyrkúıek aılaryna josparlanǵan.
«Ýnıversıadaǵa arnalyp salynyp jatqan nysandar merziminen buryn paıdalanýǵa beriledi. Al qoldanystaǵy nysandarda qazir jańartý, qajetti jabdyqtarmen jabdyqtaý jumystary júrgizilip jatyr. Bul jerde eshqandaı kedergi joq. Qazir, aldymyzda «Alataý» shańǵy-bıatlon stadıonynda, «Shymbulaq» shıpajaıynda jáne Halyqaralyq «Suńqar» tuǵyrdan shańǵymen sekirý kesheninde baqylaý júıesin ornatý boıynsha kúrdeli tehnıkalyq mindetter tur. Biraq, bul mindetter der kezinde oryndalady», - dedi Naıl Nurov.
Sondaı-aq, Ýnıversıadaǵa arnalǵan Atletıkalyq qalashyqta jabdyqtaý jumystary júrgizilip jatyr. Jalpy, Atletıkalyq qalashyqty Ýnıversıadanyń júregi deýge bolady. Munda, úlken mádenı baǵdarlamalardy júzege asyrý josparlanǵan. Onda sheteldik qonaqtarǵa Qazaqstannyń kóne jáne zamanaýı tarıhy jan-jaqty túsindiriledi.
Naıl Nurovtyń aıtýynsha, ázirge 35 el Ýnıversıadaǵa qatysatyndyǵyn rastaǵan.
«Tirkeý jumystary áli júrgizilip jatyr. Qatysýshy elderdiń qorytyndy sany bıylǵy jyldyń sońynda belgili bolady.
Bul jerde biz Halyqaralyq stýdenttik sport federatsııasy (FISU) men Qaırat Zákirııanov basqaratyn Qazaqstannyń ulttyq stýdenttik sport odaǵyna úmit artyp otyrmyz. Bizdiń aldymyzda turǵan basty mindet - 2017 jylǵy Ýnıversıadany 2011 jyly Túrkııanyń Erzýrým qalasynda ótken qysqy Ýnıversıadadan kem qylmaı ótkizý. Al, Erzýrým Ýnıversıadasyna 52 el qatysqan bolatyn», - dedi Dırektsııa basshysy.
Bul jerde Naıl Nurov buryn málim etilgenindeı, Almaty qalasy 64 eldiń delegatsııasyn, 2 myń sportshyny, 3 myń volonterdi, sondaı-aq, ár túrli elden 30 myńǵa deıin týrısterdi qabyldaı alatyndyǵyn atap kórsetti.
«Ýnıversıada shynynda da álemdegi eń iri sporttyq sharalardyń biri. Sondyqtan, Ýnıversıadanyń fılosofııasyn ózgertýdi ózimniń basty mindetterimniń biri dep sanaımyn. ıAǵnı, mundaı jobaǵa Olımpıada aldyndaǵy daıyndyq kezeńi retinde emes, óz aldyna bólek tolyqqandy joba dep qaraý kerek», - dedi N. Nurov.
Dırektsııa jetekshisi, sonymen qatar, Ýnıversıadanyń ózindik mazmuny bar sporttyq joba ekendigin atap ótti.
«Men úshin Ýnıversıada - stýdent sportshylardyń sporttyq festıvali, forýmy. Stýdentter qaýymy - Qazaqstan qoǵamynyń eń aldyńǵy qatarly, ozyq oıly sanaty. Elimizdiń bolashaǵy. Al Ýnıversıadany - jastardyń eń bir jarqyn sporttyq forýmy deýge bolady. Biz osy jastar arqyly Qazaqstandy búkil álemge tanytamyz. Bizdiń Ýnıversıdany búkil álem boıynsha 1 mlrd. jýyq adam tamashalaıdy», - dep sózin aıaqtady N. Nurov.
