Ýnıversıada: Short-trekten Qazaqstan quramasy eki «qola» aldy
ASTANA. QazAqparat - Reseıdiń Krasnoıarsk qalasynda ótip jatqan qysqy Ýnıversıada oıyndarynda Qazaqstan qorjynyna úshinshi medal tústi. Short-trekten qyzdar quramasy máre syzyǵyn úshinshi bolyp qıdy, dep habarlaıdy QazAqparat Olympic.kz saıtyna silteme jasap.
Sportshylar estafetalyq jarysta synǵa tústi. Negizgi fınalda qazaqstandyq komanda tórtinshi kórsetkishke qol jetkizgen edi. Bizdiń qurama sapynda Álııa Ámirǵalıeva, Hadısha Baqyttkereeva, ıAna Han jáne Alena Volkovıtskaıa jarys jolyna shyqty.
Degenmen tóreshiler Ońtústik Koreıa quramasyn túrli talaptarǵa baılanysty oıynnan shettetý týraly sheshim qabyldady. Olar Reseı quramasymen birdeı kórsetkishke qol jetkizgen edi.
Atalmysh jarysta Reseı qyzdary chempıon atansa, Japonııa sportshylary kúmis medal aldy.
Short-trekten elimizdiń jigitter quramasy da qorjynǵa qola júlde saldy. Bul jarysta Ońtústik Koreıa altyn alsa, Reseı kúmis júldeger atandy. Estafetalyq asıysta jarys jolyna Denıs Nıkısha, Mersaıd Jaqsybaev, Erkebulan Shamuqanov jáne Nurtilek Kajǵalı shyqqan edi.
Esterińizge sala ketelik, budan buryn Janbota Aldabergenova shańǵy akrobatıkasynan, Áset Dúısenov https://kaz.inform.kz/news/universiada-2019-aset-duysenov-kumis-alatyn-boldy_a3504953 shańǵymen jarystan qola júldeger júldeger atanǵan edi.
Qysqy Ýnıversıada oıyndary 2-12 aqpan anarylyǵynda ótkiziledi. Onda sportshylar bıatlon, taý shańǵysy sporty, kerlıng, shańǵymen jarys, snoýbord, shańǵymen sporttyq baǵdarlaý, mánerlep syrǵanaý, frıstaıl, bendı, shaıbaly hokkeı, short-trek sekildi sport túrlerinen synǵa túsedi. Oǵan álemniń 50-den astam elinen jastar keldi. Ýnıversıada barysynda sporttyń 11 túrinen úsh myńnan astam úmitker 76 medal jıyntyǵyn sarapqa salynady.
