Ýnıversıada, Ońaı, Nazarbaev dańǵyly - 2017 jyl Almatyda nesimen este qaldy
Qalanyń ekonomıkalyq damý qarqynynyń ósýi 2017 jyldyń birinshi jartyjyldyǵynda - 4% bolsa, 11 aı ishinde negizgi kapıtalǵa 15,7% ınvestıtsııa tartyldy.
Qalanyń 2018 jylǵy bıýdjeti 431,2 mlrd teńge kóleminde bekitildi.
Bıyl ońtústik astanada qoǵamdyq, kólik, ekonomıkalyq salada túrli reformalar júzege asyp qana qoımaı, qalanyń kelbeti men beınesi ózgerdi.
2017 jyldyń Almatyda ótken eń basty oqıǵasy Ýnıversıada edi. Aıtýly sharaǵa álemniń 57 elinen 2000-ǵa jýyq sportshy qatysty. Ýnıversıada nysandary men ınfraqurylym salýǵa respýblıkalyq bıýdjetten 109 mlrd teńge bólindi.
Baýyrjan Baıbektiń komandasy Ýnıversıadadaǵy daıyndyq pen ony ótkizýge baǵyttalǵan qarjyny 32 mlrd teńgeden 17 mlrd teńgege (2 ese) deıin qysqartty.
2017 jyly Almatyda ákimdiktiń ashyqtyǵyn qamtamasyz etetin «Open Almaty» jobasy júzege asty. Atalǵan portaldan qala turǵyndary balabaqsha, baspana, áleýmettik tólemder, kommýnaldyq máseleleri boıynsha aqparat ala alady.
Zamanaýı ózgeris qalanyń qoǵamdyq kólikterine de keldi.
Bıyl skeptıkterdiń qarsylyǵyna qaramastan «Ońaı» elektrondyq bılettendirý júıesinde saralanǵan tarıf engizildi. Sodan beri beri qalada qoǵamdyq kólikti paıdalanatyndardyń sany birneshe ese artty. Ońaı júıesi engizilgeli beri 1,5 mln karta satylǵan.
Bıyl Almatynyń tarıhı ortalyǵynyń úshten biri qaıta jasalyp, tolyǵymen túrlenip jatyr. Panfılov kóshesi men basqa da kósheler zamanaýı kelbetpen ıAn Geıl kontsepptsııasy boıynsha ózgerdi.
2017 jyly zamanaýı ózgerister qoǵamdyq kólik salasynda da paıda boldy.
2017 jyldyń sońyna qaraı qaladaǵy avtoparkterdiń 1/3-i jańa avtobýstarmen almastyryldy.
Bıyldyń ózinde Almatyda 530 jańa avtobýs paıdalanýǵa berildi. Jalpy 2017 jyly qala ákimdigi 675 avtobýs alýǵa kelisimshart jasasqan. Onyń 530-y jolǵa bıyl shyqsa, 140-tan asa avtobýs keler jyldyń alǵashqy toqsanynda keledi.
Sonymen qatar, bıyl Almatyda aqyly turaq júıesi engizildi. Sonyń arqasynda bıýdjetke túsetin túsim kólemi 5 esege artqan.
«Orbıta» shaǵyn aýdanynan kók bazarǵa deıin velojol salyndy. 1730 velosıped qoıylǵan 200 velostansa ashyldy. Bıyl testilik rejimde BRT joly paıdalanýǵa berildi. JRT júıesiniń qurylysy júrip jatyr.
Sonymen qatar, bilim berý salasynda da zamanaýı ózgerister qabyldandy.
2017 jyly Almaty mektepterine 1-synypqa balalar elektrondy kezek arqyly qabyldandy.
Almatyda 2017 jyl «Jastar jyly» dep jarııalanǵan bolatyn. Bıyl osy oraıda burynǵy tramvaı deposynyń ornynda jastarǵa arnalǵan LOFT ortalyq boı kóterdi.
Sonymen qatar, Bilim jáne ǵylym mınıstrliginiń Ǵylym komıtetiniń quzyryndaǵy ǵylymı uıymdardyń 40 jasqa tolmaǵan jas ǵalymdary «Nurly jer» baǵdarlamasy boıynsha páter kiltine ıe boldy.
Budan ózge qalalyq ákimdikten 1 mlrd teńge bólinýiniń arqasynda «Almaty jastary» baǵdarlamasy arqyly 100 otbasy bıylǵy jańa jyldy óz baspanasynda qarsy alady.
Sonymen qatar, ótip bara jatqan jyldyń aıtýly oqıǵalarynyń biri retinde Fýrmanov kóshesine Tuńǵysh Prezıdent Nursultan Nazarbaevtyń esimi berilýin aıtýǵa bolady.
