Ýnıversıada nyshandary týraly ne bilemiz
ASTANA. QazAqparat - Búgin Ýnıversıada oıyndarynyń bastalýyna tup-týra 50 kún qaldy, dep habarlaıdy QazAqparat tilshisi.
Osy oraıda oqyrmandarymyzǵa Ýnıversıada rámizderi týraly qysqasha aqparat berýdi jón sanadyq.
Ýnıversıada rámizderi:
2017 jylǵy Almatyda ótetin Ýnıversıada oıyndarynyń urany - «Qanatyńdy keń serpi!». Bul uran jas sportshylardy jeńiske jigerlendirip, eresekter sportynyń shyńyna shyǵýǵa tańdalyp alynǵan.
Ýnıversıadanyń kez kelgen logotıpinde FISU-dyń qamqorlyǵymen ótetin kez kelgen sporttyq sharanyń fırmalyq sımvolıkasynyń mindetti elementi bolyp tabylatyn U latyn árpiniń beınesi bolý kerek.
Qysqy Ýnıversıada-2017 logotıpi stıldengen qanattar túrinde beınelengen jáne anyq kórsetilgen serpindi pishini bar: soldan ońǵa qaraı joǵary. Ol damýdyń, sondaı-aq shyńdarǵa jetýdiń belgisi.
Ýnıversıada alaýy:
Qysqy Ýnıversıada-2017-niń boıtumary bolyp jyldamdyq pen kókke asqaqtaýdy, jeńildikti, qýatty jáne jeńiske qushtarlyqty - naǵyz jas sportshylarǵa tán qasıetterdi beıneleıtin qazaq dalasynyń ejelgi erikti jáne qaıratty mekendeýshisi jas Suńqar tańdaldy.
Ýnıversıadanyń marapat medaldary klassıkalyq stılde altyn, kúmis jáne qolaǵa uqsaıtyn metall qorytpasynan jasalǵan. Ol qazaqstan Teńge saraıynda sheký tásilimen, túrli-tústi emal qoldanyp daıyndalǵan. Mýar lentasyna Ýnıversıadanyń logotıpi qondyrylǵan. Medaldiń bet jaǵynda FISU-diń (Halyqaralyq stýdenttik sport federatsııasy) logotıpi Oıyndardyń ataýy jáne ótetin orny beınelengen. Syrt jaǵynda - Ýnıversıadanyń logotıpi beınelengen.
