Ýnıversıada nysandaryn ol aıaqtalǵannan keıin de paıdalanatyndaı etip jobalaǵan jón- Ahmetjan Esimov
ALMATY. 26 qazan. QazAqparat - Keshe Almatyda 2017 jylǵy HHVІІІ Qysqy ýnıversıada oıyndaryna salynatyn nysandardyń qurylys máseleleri boıynsha jumysshy keńesiniń otyrysynda jarystyń sheberlik jospary tanystyryldy.
Qala ákimi Ahmetjan Esimovtiń aıtýynsha, Ýnıversıada aıaqtalǵan soń salynǵan nysandar qańyrap bos turmaýlary tıis. Olardyń syıymdylyǵyn eskerip, bolashaqta tolyq jumys isteýin qamtamasyz etken jón.
Ýnıversıada oıyndary ótetin nysandardy salý úshin qonaq úıi, medıa ortalyǵy, koferents zaly bar atletıka aýyly úshin Alataý aýdanynan jalpy kólemi 21 ga. jer bólingen. Al konkımen júgiretin stadıony, syrǵanaıtyn alańy bar Muz saraıyn salý úshin Rysqulov pen Momyshuly kóshesinen 24,8 ga. jer bólinip otyr. Bulardan ózge Muz arenasyn salý úshin Medeý aýdanynan 27,7 ga. jer bólingen. Qala ákiminiń orynbasary Vıktor Doljenkovtyń sózine qaraǵanda, qazirgi kezde ınjenerlik kommýnıkatsııalardy aldyn ala esepteý úshin jumystar júrgizilýde. Sondaı-aq nysandardyń jobalyq-smetalyq qujattaryn jasaıtyn otandyq jáne sheteldik mamandardyń tizimi jasalyp, nysandardyń jobalyq smetalyq qujattaryn jasaýǵa baıqaý jarııalandy. Jalpy 2017 jylǵy Qysqy ýnıversıadanyń baǵdarlamasyna 8 mindetti sport túri bar. Olar - mánerlep syrǵanaý, taý shańǵysy sporty, snoýbord, bıatlon, short-trek, shaıbaly hokkeı, kerlıng.
