15:30, 18 Qańtar 2025 | GMT +5
Ýnıversıada: Nıkıta Akımov el qorjynyna úshinshi altyndy saldy
ASTANA. KAZINFORM - Týrındegi qysqy Ýnıversıada oıyndarynda otandasymyz bıatlonnan erler arasyndaǵy saıysta (10 km) altynǵa qol jetkizdi.
QR Ǵylym jáne joǵary bilim mınıstrligi baspasóz qyzmetiniń málimetinshe, Týrın ýnıversıadasynda Bıatlonnan erler arasyndaǵy 10 shaqyrym qashyqtyqta Mıras ýnıversıtetiniń stýdenti Nıkıta Akımov tamasha óner kórsetip, jeńis tuǵyrynan kórindi.
Qazirgi tańda Qazaqstan quramasynyń enshisinde 3 altyn, 4 kúmis, 2 qola medal bar.
Búgin, 18 qańtarda Italııanyń Týrın qalasynda 2025 jylǵy Qysqy ýnıversıadanyń besinshi jarys kúninde qazaqstandyq sportshylar shańǵy jarysy, bıatlon jáne mánerlep syrǵanaýdan synǵa túsetinin jazǵan bolatynbyz.