Ýnıversıada: qazaqstandyq sportshy Davıd Efremov kedergilermen júgirýden 5-shi oryn aldy
BEIJІŃ. QazAqparat – Qazaqstandyq jeńil atlet Davıd Efremov Qytaıdyń Chendý qalasynda ótip jatqan XXXI Dúnıejúzilik jazǵy Ýnıversıadada 110 metr qashyqtyqqa kedergilermen júgirýden fınalda 5-shi oryn aldy, dep habarlaıdy QazAqparat.
Davıd Efremov ekinshi jolaqpen júgirdi. Erler arasynda kedergilermen júgirý sprıntiniń qorytyndysy boıynsha, qazaqstandyq sportshy 13,63 sekýnd nátıjesin kórsetip, 5-shi orynǵa turaqtady. Efremovpen bir ýaqytta, ıaǵnı 13,63 sekýndta slovenııalyq sportshy da keldi.
Qola júldeni polshalyq sportshy Klıjan Kshıshtof (13,55) jeńip aldy. Kúmis júldege KHR-nyń ókili Nın Sıaohan (13,44) qol jetkizdi. Al japonııalyq Toıoda Ken (13,40) jeńimpaz atandy.
Chendýdegi Ýnıversıada 28 shildeden beri ótip jatyr jáne ol 8-tamyzǵa deıin jalǵasady. Qazaqstan atynan onda 11 sport túri boıynsha 93 atlet óner kórsetip jatyr.
Rýslan Súleımenov
