Ýnıversıada: qazaqstandyq mogýlshiler qurama qorjynyna qos altyn, bir kúmis medal qosty
ASTANA. QazAqparat - Ispanııanyń Granada qalasynda ótip jatqan qysqy ýnıversıadada qazaqstandyq mogýlshiler asa sátti óner kórsetti.
Erler arasynda Pavel Kolmakov altyn, Dmıtrıı Reıherd kúmis júldeni jeńip aldy. Reseılik Sergeı Shımbýev úshinshi oryndy ıelendi. Osynyń aldynda áıelder arasynda ıÝlııa Galysheva birinshi orynǵa kóterilgen bolatyn. Budan buryn Qazaqstan ulttyq quramasynyń múshesi ıÝ.Galyshevanyń ótken jyly álem kýbogi kezeńinde altyn, bıylǵy álem chempıonatynda qola júldeni enshilep, el abyroıyn asyrǵany belgili. Eske sala keteıik, ýnıversıadanyń Slovakııada ótken bóliginde qazaqstandyqtar 3 altyn, 4 kúmis, barlyǵy jeti medaldi ıelengen edi. Bul qazirdiń ózinde aldyńǵy ýnıversıadada alǵan júldelerden áldeqaıda artyq.
