Ýnıversıada: Qazaqstan stýdentter quramasy qola júldege talasady
ASTANA. QazAqparat - Reseıdiń Krasnoıar qalasynda ótip jatqan qysqy ýnıversıada oıyndary aıasynda shaıbaly hokkeıden Qazaqstan stýdentter quramasy jartylaı fınalda Slovakııa quramasynyń jeńilip qaldy. Endi olar qola júlde úshin saıysqa túsedi, dep habarlaıdy QazAqparat tilshisi.
Atalmysh kezdesýde esep 4-mınýtta ashyldy. Slovakııa sapynan ıAn Zloha mergendik tanytty. Al 30-mınýtta Erık Smokla slovak quramasynyń basymdyǵyn arttyra tústi. Atalmysh qurama sapynan 36-mınýtta Sebastıan Smıda esepti ulǵaıtty. Oıynnyń bitýine 38 sekýnd qalǵanda slovakııalyq hokkeıshi Danıel Rzavskı esepti ulǵaıtty - 0:4. Qazaqstan quramasy ýnıversıadada alǵash ret jeńilistiń aşy dámin tatty.
Qazaqstan stýdentter quramasy toptyq kezeńde birde-bir upaıdy shashaý shyǵarǵan joq. Qazaqstandyq hokkeıshiler Latvııany 10:1 esebimen jeńse, odan keıin Shvetsııadan 5:1, Ulybrıtanııadan 17:1, Shveıtsarııadan 7:0, Kanadadan 4:3 esebimen basym tústi .
Jartylaı fınaldyń taǵy bir kezdesýinde Reseı Kanadany 5:1 esebimen tize búktirdi. Qazaqstan jastary 12 naýryz kúni Kanadamen sheberlik baıqasady. Atalmysh oıyn Astana ýaqytymen 14.00-de QazSport telearnasy arqyly tikeleı efırde kórsetiledi.
