Ýnıversıada qaýipsizdigin 7 myńnan astam polıtsııa qamtamasyz etedi
ASTANA. QazAqparat - 28-shi Búkilálemdik qysqy Ýnıversıada kezinde 7 myńnan astam polıtsııa qaýipsizdikti qamtamasyz etedi. Bul týraly búgin QR Úkimetiniń selektorlyq rejimdegi otyrysynda Almaty qalasynyń ákimi Baýyrjan Baıbek málim etti, dep habarlaıdy QazAqparat.
«Qalalyq jedel shtab qurylyp, kúni-túni jumys isteýde. Ótken aptadan bastap call-ortalyq jumys isteı bastady, onda Ýnıversıadaǵa qatysty tolyq aqparat alýǵa bolady. Qaýipsizdikti ІІM, Ulttyq gvardııa jáne Qorǵanys mınıstrliginiń 7 myńnan astam qyzmetkeri qamtamasyz etetin bolady», - dedi Baıbek.
Qala basshysynyń sózine qaraǵanda, ótken jyly Almatynyń ishki ister departamentin materıaldyq-tehnıkalyq jabdyqtaýǵa jergilikti bıýdjetten 2,5 mlrd. teńge bólingen. Bul 2015 jyly bólingen qarjydan 2 ese artyq.
«Aǵymdaǵy jyly EKSPO-2017 kórmesin ótkizýge baılanysty ІІD bıýdjeti taǵy da 25 paıyzǵa arttyrylyp, 17,3 mlrd. teńgeni quraıdy. 240 avtomobıl jáne basqa da arnaıy tehnıkalar satyp alynady. Jalpy, barlyq quqyq qorǵaý qyzmetteriniń ózara tıimdi is-qımyly qamtamasyz etilgen», - dedi ol.
