Ýnıversıada: Kanada - Qazaqstan kezdesýi qaı ýaqytta bastalatyny belgili boldy

ASTANA. QazAqparat - 2023 jylǵy Qysqy Ýnıversıadada shaıbaly hokkeıden Qazaqstan stýdentter quramasy jartylaı fınaldaǵy Kanadamen kezdesýi qaı ýaqytta bastalatyny belgili boldy, dep habarlaıdy QazAqparat tilshisi.

Aıta ketsek, Qysqy Ýnıversıada AQSh-tyń Leık-Plesıd qalasynda ótip jatyr.

Kanada men Qazaqstan kezdesýi elorda ýaqytymen 20:35-te bastalady.

Eske salsaq, qazaqstandyq hokkeıshiler V tobynda Ońtústik Koreıa, Vengrııa, Ulybrıtanııa, Slovakııa jáne AQSh-pen synǵa tústi.

Toptyq kezeńde el quramasy Ońtústik Koreıany – 5:1, Vengrııany 9:1, Ulybrıtanııany 15:1, Slovakııany 4:0 esebimen jeńip, AQSh quramasyna 1:4 esebimen ese jiberdi.

Osylaısha óz tobynda 12 upaımen ekinshi oryn aldy. Birinshi oryn dál sondaı upaı jınaǵan AQSh quramasyna buıyrdy.

Al kanadalyq hokkeıshiler A tobynda birde-bir oıynda jeńilmeı, birinshi oryn aldy.