Ýnıversıada: Hokkeıden Qazaqstan erler quramasy Slovakııadan jeńilip qaldy

ASTANA. KAZINFORM - 2025 jylǵy Qysqy ýnıversıadada shaıbaly hokkeıden Qazaqstan erler quramasy kútpegen jerden jeńiliske ushyrady. 

Qazaqstandyq hokkeıshiler shırek fınalda Slovakııamen kezdesti. Bul oıynda qazaqstandyqtar basty favorıt sanalǵan. Degenmen qarsylasyna 1:2 esebimen ese jiberdi. El quramasynan jalǵyz goldy ıAn Tıýtıýnkov (34-mınýt) soqty. 

Qazaqstandyq hokkeıshiler A tobynda synǵa tústi. Qarsylastary - Kanada, Chehııa, Ońtústik Koreıa jáne Shvetsııa. 

Aldymen Shvetsııany 9:2, Ońtústik Koreıany 7:1 esebimen jeńip, odan keıin Kanadaǵa 3:4, Chehııaǵa 1:3 esebimen jol berdi. Óz tobynda jeti upaımen úshinshi orynǵa turaqtady. 

Endi hokkeıden Qazaqstan erler quramasy 5-oryn úshin búgin, 20 qańtarda Chehııamen sheberlik baıqasady.

Aıta keteıik, Qazaqstan áıelder quramasy 5-oryn úshin saıysta AQSh quramasynan 2:8 esebimen jeńilip qalǵan bolatyn. 

Eske salsaq, buǵan deıin mánerlep syrǵanaýdan Sofıa Samodelkına qola júlde alǵanyn jazǵan edik.