Ýnıversıada chempıony Galysheva jańa sport túrimen aınalyspaq
ALMATY. QazAqparat- Qysqy Ýnıversıadalardyń úsh dúrkin jeńimpazy, álem chempıonatanyń eki dúrkin júldegeri, frıstaılshy ıÝlııa Galysheva Instagram áleýmettik jelesinde hokkeıshiler kıimimen muz aıdynynda jattyǵyp júrgeni týraly beıne túsirilimderi men foto sýretterin jarııalaı bastady. Jankúıerler arasynda sportshynyń hokkeıge aýysqysy keletini týraly josparyn bilgisi keletinder kóbeıdi. Osyǵan oraı, QazAqparat tilshisi sportshynyń ózimen tildesip, bolashaq jospary týraly bildi.
«Hokkeıshilerdiń kıimimen muzaıdynyna shyqqanym áýesqoılyqtan dese bolady. Basqa da muzaıdyndarynda syrǵanaýǵa bolatyn edi, biraq munda shaıbaly hokkeıdegi sekildi negizgi jattyǵýlardy oryndaımyz. Bul sport túrinde men qatty sharshaımyn. Sol arqyly áli de eki saǵat júgirýge, sekirýge qaýqarym bar ekenin bilip qýanyp qaldym. Osynshama qyzyqty dep oılamappyn, ózimdi 10 jastaǵy Dısneılendge kelgen baladaı sezindim», - deıdi ıÝlııa Galysheva.
Sportshy jankúıreleriniń kúmányn seıiltti. Hokkeı aıdynyndaǵy kórinister tek jattyǵý ekenin aıtqan ol 2018 jylǵy qysqy Olımpıada oıyndaryna frıstaıl-mogýl boıynsha daıyndalyp jatqanyn jetkizdi.
«Mundaı jattyǵýlar qosymsha kúsh beredi. Fızıkalyq daıyndyǵyńdy arttyryp, qulaýdan qorqyp turatyn úreı seziminen qutqarady eken. Óıtkeni hokkeıshiniń kıimi qaýipsiz óte yńǵaıly degen kásibı hokkeıshiler ózara soqtyǵysyp qalǵanda neshe túrli jaraqat alyp qalady. Biraq bizdiki tek jattyǵý, endi men ózime osy hokkeıshi formasyn satyp alyp, jattyǵýlarynan qalmaýǵa tyrysamyn»,- dedi ol.
ıÝlııa Galysheva men taǵy bir frıstaılshy, 2015 jylǵy Ýnıversıada chempıony qazaqstandyq Pavel Kolmakovty muz aıdynyna hokkeıden Qazaqstan quramasynyń múshesi Natalıa ıAkovchýk alyp shyqqan. Tanymal hokkeıshi ekeýine arnaıy kıim taýyp berip, qaýipsizdik sharalaryn túsindirgen.
Aıta keteıik, 14 tamyzdan bastap, Galysheva men Kolmakov Norvegııada jattyǵýda júr. Norvegııadaǵy jattyǵýdan keıin eki sportshy Óskemen qalasynda jattyǵýyn jalǵastyrady. Qazan aıynda olar Shveıtsarııaǵa attanyp, álem kýbogynyń barlyq komandalarymen birge bir trassada jattyǵatyn bolady.
