Ýnıversıada-2023: Hokkeıden Qazaqstan quramasy Ulybrıtanııany 15:1 esebimen oısyrata jeńdi
ASTANA. QazAqparat – Hokkeıden Qazaqstannyń stýdentter quramasy Amerıkanyń Leık-Plesıde qalasynda Ýnıversıada-2023 týrnıri aıasyndaǵy úshinshi matchyn ótkizdi, dep habarlaıdy QazAqparat Sports.kz portalyna silteme jasap.
Ǵalym Mámbetalıev shákirtteri Ulybrıtanııa quramasyna qarsy oınady.
Matchtyń esebin Batyrlan Muratov ashty, artynsha brıtanııalyqtardan Semıýel Rodjers esepti teńestirdi. Sodan keıin Qazaqstan alǵashqy úziliske deıin 5 shaıba soǵyp, alǵa shyqty – Batyrlan Muratov dýbl jasasa, Maksım Mýhametov, Vsevolod Logvın, Ivan Gavrılenko men Artem Korolev mergendik tanytty.
Ekinshi kezeńde otandastarymyz qarsylas qaqpasyna taǵy jeti shaıba engizip, tas-talqanyn shyǵardy. Gol avtorlary – Danıl Býtenko, Álıhan Ómirbekov, Batyrlan Muratov (het-trık), Rýslan Demın, Álı Qasenov, Kırıll Polohov jáne Gavrılenko (dýbl).
Úshinshi bólimde Polohov matchtaǵy ekinshi shaıbasyn soǵyp, esepti eseledi – 14:1. Match núktesin Muhametov qoıyp, esepti 15:1-ge jetkizdi.
Eske salaıyq, buǵan deıin qazaqstandyq hokkeıshiler Ońtústik Koreıa (5:1) men Vengrııa (9:1) quramalaryn tas-talqan etken bolatyn. Sondaı-aq Qazaqstan óz tobynda Slovakııa jáne AQSh quramalarymen oınaıdy.
Foto: icehockey.kz
