Ýnıversıada-2023: Búgin keı sport túrlerinen jarystar bastalady
Al dúbirli dodanyń resmı ashylý saltanaty 13 aqpanda elorda ýaqytymen 5.50-ge belgilengen.
Alǵashqy jarys kúni shaıbaly hokkeı jáne snoýbordtan saıys bastalady.
Dúbirli dodada elimizdiń atynan 78 sportshy baq synaıdy.
Onyń ishinde shańǵymen jarysýdan 14, short-trekten 12, bıatlonnan 9, mánerlep syrǵanaý men konkımen júgirýden 6, snoýbord, taý shańǵysy sporty, tuǵyrdan sekirý men qossaıystan 2, shaıbaly hokkeıden 23 qazaqstandyq stýdent jarys jolyna shyǵady.
Ýnıversıada oıyndarynyń tarıhy 1924 jyldan bastaý alady. Ol 1959 jylǵa deıin búkilálemdik ýnıversıtet oıyndary atalyp keldi.
1959 jyldan bastap ýnıversıada bolyp tanyldy. Oǵan qatysý talaptary engizildi.
Ol boıynsha 17 jasqa tolǵan jáne 28 jastan aspaǵan jigitter men qyzdar atalmysh oıyndarǵa qatysýǵa múmkindik alady.
Sondaı-aq, olar mindetti túrde óz eliniń joǵary oqý ornynyń birinde bilim alatyn bolýy tıis.
Buǵan deıingi ýnıversıadalarda qazaqstandyq stýdentter 2017 jyly joǵary nátıje kórsetti.
Elimizdiń Almaty qalasynda ótken básekede olar 11 altyn, 8 kúmis pen 17 qola oljalady.
Nátıjesinde barlyǵy 36 medalmen Qazaqstan jalpy komandalyq esepte ekinshi oryn aldy.
Qazirge deıin qazaqstandyq sportshylar barlyǵy 107 medalǵa ıe boldy. Olardyń 20-y altyn, 40-y kúmis, 47-i qola medal.
Bul jóninen jalpy komandalyq esepte 107 memlekettiń arasynda 35-orynda tur. Kósh basynda AQSh, Qytaı, Reseı sportshylary keledi.
Dúbirli dodany tikeleı efırde kórsetý mindetin «Qazsport» telearnasy moınyna alyp otyr.
Eske salsaq, budan buryn Qysqy ýnıversıadada short-trek, konkı sporty jáne mánerlep syrǵanaýdan kimder qatysatyny belgili boldy.
Sondaı-aq, atalǵan jarysqa qatysatyn Qazaqstan hokkeı quramasy anyqtaldy.
Foto: olympic.kz
