Ýnıversıada-2019: Bendıden Qazaqstan quramasy Shvetsııadan utylyp qaldy
ALMATY. QazAqparat - Erler arasyndaǵy dopty hokkeıden Qazaqstan quramasy Shvetsııa komandasynan 13:1 esebimen jeńilip qaldy, dep habarlaıdy QazAqparat tilshisi.
Sporttyq báseke Krasnoıarsk qalasynda ótip jatyr. Shvetsııa quramasy týrnır bastalǵaly beri bir komandadan jeńilis kórmeı kósh bastap keledi.
Aıta ketý kerek, munyń aldynda Qazaqstan quramasy oıyn qojaıyny Reseıden - 1:9 esebimen, fınderden 1:4 esebimen jeńilgen bolatyn.
Endi bizdiń komanda toptyq raýndaǵy sońǵy múmkindigin 5 naýryzda týrnır aýtsaıderi Norvegııamen bolatyn matchta synaıdy. Match Astana ýaqytymen 15:00-de bolady.
Qazaqstan týrnır kestesinde 5 komanda ishinde 4-orynda tur. Áıelder arasynda Reseı, Shvetsııa, Norvegııa, AQSh komandalary saıysqa túsedi. Erler arasyndaǵy jartylaı fınal oıyndary 9-10 naýryzda ótedi.
Esterińizge sala keteıik, Krasnoıarsktegi ýnıversıadada 2-12 naýryz aralyǵynda ótedi. Dúbirli dodada 11 sport túri boıynsha 76 medal oınatylady. Qazaqstandyq quramanyń sportshylarymen myna jerden tanysýǵa bolady.
