Ýnıversıada-2017 jarystaryna álem chempıondary qatysady
ASTANA. QazAqparat - Qysqy ýnıversıada sportshy stýdentterdiń qatysýymen kóptegen sport túrleri boıynsha ótkiziletin, 11 kúnge sozylatyn eń iri jarys bolyp tabylady. Almatydaǵy 28-shi Dúnıejúzilik qysqy ýnıversıadaǵa eki myńǵa jýyq sportshy qatysyp, 12 sport túrinen 85 medal sarapqa salynady. Bul týraly almaty2017.com saıty jazady.
Qysqy ýnıversıadaǵa joǵary deńgeıdegi jarystarda túrli medaldardy jeńip alǵan álemniń kóptegen sportshylary qatysatyndyqtan, medal úshin kúres qyzý ótedi dep kútilýde. Sondaı sportshylardyń qatarynda kelesi esimderdi ataýǵa bolady: 2014 jylǵy Olımpıada chempıony jáne short-trekten álemniń eki dúrkin chempıony Kım Alanga (Ońtústik Koreıa); tramplınnen sekirý boıynsha 2014 jylǵy Olımpıada oıyndarynyń qatysýshysy, Ýnıversıadanyń eki dúrkin chempıony (2013 jáne 2015 j.) Maksımochkın Mıhaıl (Reseı); bıatlonnan 2012 jylǵy jasóspirimder arasyndaǵy qysqy oıyndardyń chempıony Kım Cheolıýng (Ońtústik Koreıa); frıstaıldan 2015 jylǵy Ýnıversıada chempıony Kýcherova Nıkol (Chehııa); Azııa oıyndarynyń kúmis júldegeri (2011 j.), 2012 jylǵy jasóspirimder arasyndaǵy álem chempıony (1500m, 3000m ), 2013 jylǵy ýnıversıada chempıony Hvang Hıýn-San (Ońtústik Koreıa); bıatlonnan Álem kýbogy kezeńiniń eki dúrkin chempıony Batıst Jýtı (Frantsııa); tramplınnen sekirý boıynsha 2014 jylǵy jasóspirimder arasyndaǵy álem chempıony, 2013 jylǵy jasóspirimder arasyndaǵy álemniń komandalyq júldegeri Kshıshtof Bıegýn; taý-shańǵy sportynan 2016 jylǵy eki dúrkin chempıon (FIS Race) Bıalobrazskıı Domınık (Polsha); short-trekten 2014 jylǵy jasóspirimder arasyndaǵy álem chempıony, 2015 jylǵy Ýnıversıada chempıoy Chen Gýang (Qytaı) jáne t.b. Sondaı-aq, Ýnıversıada-2017 jarystaryna mánerlep syrǵanaýdan eń myqty komanda - Reseı quramasy, sonyń ishinde 2015 jylǵy Eýropa chempıony jáne álem chempıony Elızaveta Týktamysheva qatyspaq.
Óz elimizde ótetin Ýnıversıadaǵa qatysý úshin Qazaqstannyń eń myqty 175 sportshysy daıyndyq júrgizýde. Qazaqstan quramasynyń favorıtteri qatarynda kelesi esimderdi ataýǵa bolady: Denıs Ten (mánerlep syrǵanaý), ıÝlııa Galysheva (frıstaıl), Pavel Kolmakov (frıstaıl), Janbota Aldabergenova (frıstaıl), Roman Krech (konkımen júgirý sporty), Stanıslav Palkın (konkımen júgirý sporty), Aıdar Bekjanov (short-trek), Abzal Ájǵalıev (short-trek), Nurbergen Jumaǵazıev (short-trek), Denıs Nıkısha (short-trek) jáne t.b. Qazaqstannyń bes dúrkin chempıony, mánerlep syrǵanaýshy Denıs Ten de birneshe joǵary marapattardyń, atap aıtqanda, 2014 jylǵy Qysqy Olımpıada oıyndarynyń qola medali, 2013 jylǵy mánerlep syrǵanaýdan Álem chempıonatynyń kúmis medali, 2015 jylǵy álem chempıonatynyń qola medali jáne t.b. marapattardyń ıegeri bolyp tabylady.
Jalpy alǵanda Almatydaǵy 2017 jylǵy Ýnıversıada qatysýshylary arasynda kelesi ataqtardy ıelengen sportshylar bar:
- Jasóspirimder arasyndaǵy Olımpıada oıyndarynyń 3 chempıony jáne 1 qola júldegeri;
- Jasóspirimder arasyndaǵy álem chempıonatynyń 11 chempıony jáne 6 júldegeri;
- Qysqy ýnıversıadalardyń 6 chempıony;
- FIS qysqy starttarynyń jáne Álem kýbogy kezeńderiniń 20 chempıony jáne júldegeri.
Chempıondar ózderi qatysatyn sport túrlerinde aıryqsha qabiletterin kórsetý úshin aldyna jan salmaı kúrespek. Eń bastysy, sportta endi-endi oıyn kórsetip bastaǵan oıynshylar úshin osyndaı deńgeıdegi sportshylarmen kúreske túsý úlken syn ári joǵarǵy qurmetke aınalmaq, sondaı-aq, joǵary ataqtardy ıelengen sportshylar olarǵa joǵary bıikterge jol kórsetken.
