Ýnıversıada-2017: Jansel Denız kúmis júlde jeńip aldy
ASTANA. QazAqparat - Taıbeıde ótip jatqan jazǵy Búkilálemdik Ýnıversıada oıyndarynda qazaqstandyq Jansel Denız kúmis júldeni jeńip aldy, dep habarlaıdy QazAqparat tilshisi.
Túrkııa elinde týyp, tarıhı otanyna oralǵan taekvondoshy arýymyz búginde Atyraý oblysynyń atynan synǵa túsip júr. Ýnıversıada oıyndarynda 73 kelige deıingi salmaq dárejesinde synǵa túsken ol fınalǵa deıin jetip, sheshýshi synda Koreıa eliniń sportshysy Lı Davınǵa ese jiberip aldy.
Aıta ketý kerek, bul - osy Ýnıversıada oıyndaryndaǵy Qazaqstan taekvondoshylarynyń alǵashqy medali.
