Ýnıversıada-2017: sportshylar mázirinde - ulttyq taǵam
ASTANA. QazAqparat - Atletter aýylynyń ashanasynda ulttyq, azııalyq, eýropalyq, vegeterıandyq jáne halal sekildi bes taǵam túri usynylmaq, dep jazady «Massaget.kz».
«Búkil álem taǵamdaryna kóńil bólinbek. Mázirdiń ishinde pıtstsa, steık, pasta, sprıng-roll, «Tom ıAm» atty taı sorpasy jáne t.b. taǵam túrleri bar. Árıne, biz ózimizdiń ulttyq taǵamdarymyzdy umyt qaldyrmadyq: sportshylarǵa arnalǵan ashanalarda qazaqtyń as-shaıy qoıylǵan «shaı dastarhany» jaıylady. Sondaı-aq, qonaqtar men qatysýshylar besbarmaq, qýyrdaq, naryn sekildi qazaqtyń dástúrli taǵamdarynan da dám tatyp kóre alady», - dep atap ótti Royal Catering kompanııasynyń bas dırektory Indıra Ahmetova.
FISU talaptaryna sáıkes atletterdiń kúndizgi kalorııa normasy (4000-4500) anyqtalyp, ol Qysqy oıyndar aıasynda sportshylarǵa arnap mázirdi daıyndaý kezinde eskeriletin bolady.
Sportshylardyń táýlik ishindegi tamaqtaný normasynda et, sút ónimderi men nan buıymdary sekildi mańyzdy ónimder qamtylǵan. Sondaı-aq, durys zat aınalymyn qamtamasyz etý úshin atletterge paıdaly sýsyndardyń barlyq túrleri usynylady.
Sondaı-aq, Ýnıversıada kezinde sportshylar men resmı delegatsııa músheleri, FISU tehnıkalyq mamandary, halyqaralyq tehnıkalyq mamandar (ITOs), ulttyq tehnıkalyq mamandar (NTOs), eriktiler, BAQ ókilderi, medıtsınalyq qyzmetkerler, Uıymdastyrý komıteti, FISU Family ókilderi jáne t.b. tulǵalar tamaqpen qamtamasyz etiledi.
