Ýnıversıada-2017 oıyndarynyń qaýipsizdigin 6500 qyzmetker qamtamasyz etedi
ALMATY. QazAqparat- Almatyda 2017 jyly 29 qańtar men 8 aqpan aralyǵynda ótkiziletin Búkilálemdik 28-shi qysqy Ýnıversıada oıyndarynyń qaýipsizdigin 6500 qyzmetker qamtamasyz etetin bolady.
Bul týraly búgin 12 myń oryndy Muz saraıynda 28-shi qysqy Ýnıversıadany daıyndaý jáne ótkizý jónindegi Uıymdastyrý komıtetiniń kezekti otyrysynda Almaty qalasynyń ákimi Baýyrjan Baıbek málimdedi. Otyrysqa Uıymdastyrý komıtetiniń tóraıymy Darıǵa Nazarbaeva jáne QR Mádenıet jáne sport mınıstri Arystanbek Muhamedıuly qatysty.
«Qazirgi tańda QR UQP, Bas prokýratýra, Almaty ákimdigi birlese otyryp, qaýipsizdikti laıyqty deńgeıde qamtamasyz etý boıynsha tıisti sharalardy qabyldap jatyr. Sonymen, Ýnıversıada qaýipsizdigin 6500 qyzmetker qamtamasyz etetin bolady. Jergilikti bıýdjetten sol qyzmetkerlerdiń kún saıyn eki retten tamaqtanýyna - 150 mln. teńge, sondaı-aq, jarylǵysh zattardy anyqtaýǵa arnalǵan qol detektorlaryn satyp alýǵa Іshki ister departamentine - 222 mln. teńge bólindi», - dedi B. Baıbek.
Qalada kúni búginge deıin 837 beınebaqylaý kameralary ornatylǵan. Olarǵa qosymsha taǵy da 1220 beınebaqylaý kameralary ornatylatyn bolady. Ýnıversıada-2017 oıyndarynyń qaýipsizdigin qamtamasyz etýge sonymen qatar 8 kúzet fırmasy tartyldy.
