Ýnıversıada-2017 nysandary qurylysynda 4200 jumys orny ashyldy - Baýyrjan Baıbek
ALMATY. QazAqparat- Almatyda Uıymdastyrýshy komıtettiń tóraıymy Darıǵa Nazarbaevanyń qatysýymen 28-shi Búkilálemdik qysqy Ýnıversıadany daıyndaý jáne ótkizý boıynsha osy Uıymdastyrýshy komıtettiń otyrysy ótti.
Otyrys barysynda Ýnıversıadany daıyndaý máseleleri qaraldy.
«Elbasynyń qoldaýynyń arqasynda úsh alyp nysannyń qurylys jumystary aıaqtalyp keledi. 12 myń oryndy Muz saraıy jáne Atletıkalyq qalashyq - 94 paıyzǵa daıyn jáne qyrkúıek aıyna qaraı jabdyqtaý jumystary tolyǵymen aıaqtalady. Medeý aýdanynda ornalasqan 3 myń oryndy Muz arenasy - 90 paıyzǵa ázir», - dedi Almaty qalasynyń ákimi Baýyrjan Baıbek.
Sonymen qatar, ol Ýnıversıadanyń murasy týraly da áńgimeledi.
Mysaly, Ýnıversıada jarystarynan keıin de barlyq nysandar tolyqqandy jumys isteıtin bolady. Sońǵy 8 jyl ishinde Alataý aýdanynyń damýyna 200 mlrd. teńge jumsalǵan.
Ýnıversıada-2017 - bıýdjeti aıryqsha únemdelgen jarys retinde tarıhta qalatyn boldy. Buǵan deıin Ýnıversıada bıýdjetiniń qysqartylǵany týraly aıtylǵan bolatyn. Sonymen, qazirgi tańda Ýnıversıada bıýdjeti - 47 mln. eýrony quraıdy.
Esterińizge sala ketelik, Búkilálemdik 28-shi qysqy Ýnıversıada oıyndary Almatyda 2017 jyly 29 qańtar men 8 aqpan aralyǵynda ótkiziledi. Jarysqa 55-ten astam elden 2 myńnan astam sportshy qatysady. Básekeler 12 sport túri boıynsha 8 nysanda ótkiziledi. Barlyǵy 543 medal sarapqa salynady. Bul dúbirli dodany uıymdastyrýǵa 3 myń volonter jumyldyrylǵan jáne qalaǵa 30 myń otandyq jáne sheteldik qonaqtar keledi dep kútilýde.
Ýnıversıada nysandary qurylysynda 4200 jumys orny ashyldy jáne qazaqstandyq mazmun - 60 paıyzdy qurady.
