Ýnıversıada-2017: Kerlıng saıysynyń jeńimpazdary anyqtaldy
ASTANA. QazAqparat - Búgin Almatyda ótip jatqan 28-shi Búkilálemdik qysqy Ýnıversıada oıyndarynda kerlıngten qyzdar arasyndaǵy jeńimpazdar belgili boldy, dep habarlaıdy QazAqparat tilshisi.
Fınalda joldary túıisken Reseı men Kanada quramalary arasyndaǵy saıys 8:3 esebimen qurlyqtyń arǵy betinen kelgen qonaqtarǵa buıyrdy. Osylaısha kanadalyq qyzdar 28-qysqy Ýnıversıadanyń chempıony atandy. Al qola júldeni shvedter jeńip aldy.
Esterińizge sala keteıik, Qazaqstan quramasy saıysty sońǵy, 10-orynda aıaqtaǵan bolatyn.
