Ýnıversıada-2017: Qazaqstan jalpy esepte toǵyzynshy orynda keledi

ASTANA. QazAqparat - Qytaıdyń Taıbeıinde ótip jatqan jazǵy 2017 jylǵy ýnıversıada oıyndarynda ázirge Qazaqstan quramasy jalpy esepte toǵyzynshy orynda keledi,  dep habarlaıdy QazAqparat tilshisi.

Qazaqstan sportshylarynyń qorjynynda 3 altyn, 3 kúmis, 5 qola medal bar. Al Ońtústik Koreıa altyn medaldar sanyn 23-ke jetkizip, jeke-dara kósh bastady. Olardyń enshisinde 23 altyn, 14 kúmis, 19 qola medal bar. Ekinshi orynda Kúnshyǵys eliniń sportshylary kele jatyr. Olar 18 altyn 11 kúmis, 19 qola medalǵa ıe boldy.  Úzdik úshinshi oryndy Ýnıversıada oıyndaryn ótkizip jatqan Taıbeı sportshylary túıindep tur.

Ázirge 45 memlekettiń qorjynynda medal bar. Eń sońǵy oryndardy bir-bir qola medaldan jeńip alǵan Indonezııa, Iordanııa, Moldavııa, Norvegııa jáne Shveıtsarııa elderi ózara bólisip tur.