Ýnıversıada-2017: Qazaqstan quramasy Ýshýdan eki medal jeńip aldy
ASTANA.QazAqparat - Qytaıdyń Taıbeı qalasynda ótip jatqan jazǵy Ýnıversıada oıyndarynda Ýshý-sanda sportynan Qazaqstan erler quramasy eki medal jeńip aldy, dep habarlaıdy QazAqparat.
28 tamyz kúngi shırek fınaldyq básekede 80 kg salmaqta óner kórsetetin otandasymyz Baǵdat Kenjetaev 0:2 esebimen qytaılyq Lı Shennanǵa jol berip, qola júldeger atanǵan bolatyn. Al 70 kg salmaq dárejesinde óner kórsetetin qazaqstandyq atlet Rýslan Lıbırov jartylaı fınalda ındııalyq qarsylasyn jeńip, fınalǵa joldama alǵan.
Búgingi fınalda Rýslan ırandyq sportshy Djafarǵa ese jiberip (0:2), Ýnıversıada oıyndarynyń kúmis júldegeri atandy.
