Ýnıversıada-2017 dırektsııasy demeýshilerdiń arqasynda 1 mlrd teńge únemdemek
ALMATY. QazAqparat - Ýnıversıada 2017 dırektsııasy 1 mlrd teńge únemdemek. Bul týraly 2017 jylǵy qysqy Ýnıversıada dırektsııasynyń jetekshisi Naıl Nýrov málim etti, dep habarlady QazAqparat tilshisi.
«Biz demeýshilermen aradaǵy kelisimsharttar esebinen 1 mlrd teńge únemdemekpiz», - dedi Naıl Nýrov.
Dırektsııa jetekshisi Ýnıversıadaǵa qoldaý, demeý kórsetemin degenderdiń barlyǵy úshin seriktesýge ázir ekenin jetkizdi. Sonymen qatar, ol memleket tarapynan da qarjylandyrý jetkilikti ekenin aıta ketti.
Osy maqsatta Ýnıversıada dırektsııasy «Tehnodom» kompanııasymen arada demeýshilik kelisim jasasty. Kelisim negizinde Tehnodom 500 tehnıka berýge kelisti.
Onyń ishinde, 60 noýtbýk, kserokóshirme jáne ózgede tehnıkalyq jaraqtar bar. Ýnıversıada bitkennen soń atalǵan tehnıkalar qaladaǵy sport mektepterinen tegin úlestiriledi.
Naıl Nýrov sheteldik, qazaqstandyq kompanııalardy yntymaqtastyqqa shaqyrdy. Ýnıversıadanyń marketıngtik múmkinshilikteri seriktesterin 12 jarys kúni ishinde 1 mlrd astam telekórermen aýdıtorııasyna kórsetýge kelisti.
Aıta keteıik, Almatyda qysqy dúnıejúzilik ýnıversıada 29 qańtar men 8 aqpan aralyǵynda ótedi. Saıysqa 55 elden 2 myńǵa jýyq sportshy qatysady. Jarystar 8 nysanda 12 sport túrinen ótedi. Barlyǵy 543 medal oınatylady. Ýnıversıadany álemniń 100 eli tamashalaıdy.
