Ýnıversıada-2017: Bılet baǵasy eń qymbat saıystar anyqtaldy
ALMATY. QazAqparat - 28-shi Dúnıejúzilik qysqy ýnıversıadada eń qymbat bıletter stýdentter saıysynyń ashylý saltanaty men mánerlep syrǵanaý saıystary boıynsha satylǵan, dep habarlaıdy QazAqparat.
«Bıletter jaqsy satylyp jatyr. Biraq, satylym «shyńyna» shyqtyq dep aıta almaımyn. Bizde, ózderińiz bilesizder, barlyǵyn «erteńge» shegere beretin ádetimiz bar. «Ýaqyty taıaǵanda bıletter ótedi» dep oılaımyn. Bıletterdiń quny da joǵary emes, 300 teńgeden bastalady», - dedi Ýnıversıada dırektsııasy dırektorynyń orynbasary Kamıla Lýkpanova.
Sonymen qatar, ol kórermender men jankúıerler arasynda hokkeı men mánerlep syrǵanaý jáne short-trek tanymal ekenin aıtty. Stýdentterge bılet jeńildikpen satylady.
«Saıystar bıleti 300-3,5 myń teńge aralyǵynda, al ashylý saltanatyna kirý quny 15 myń teńgege deıin. Eń qymbat bıletter mánerlep syrǵanaý saıystaryna. Onda bılet quny 3500 teńge. Orta eseppen aıtqanda bılet quny 600 teńge», - dedi Ýnıversıada -2017 bıletter departamentiniń ókili Vadım Dergachev.
