Ýnıversıada-2017 alaýyn Qostanaı kóshelerimen alyp ótti
Saltanatty shara qalanyń ortalyq alańynda ótti. Alaýdy alǵashqy bolyp jaǵý mártebesi 1976 jylǵy Insbýrgte (Avstrııa) ótken qysqy Olımpıada oıyndarynyń júldegeri, Rýdnyı qalasynyń turǵyny Ivan Garanınge berildi. Jaǵylǵan alaýdy qarııa estafetanyń І kezeńiniń alǵashqy alaýgeri - Qostanaı oblysynyń ákimi Arhımed Muhambetovke tabystady.
«Bizdiń elimiz ýnıversıadalarǵa 1993 jyldan beri qatysyp keledi. Oǵan 7000-nan astam jas sportshy qatysyp, 125 medal jeńip aldy. Biz Ýnıversıadaǵa attanǵan qostanaılyq sportshylarǵa maqtanyshpen jankúıerlik etemiz», - dep málimdedi óńir basshysy estafeta aldynda.
Búkilálemdik qysqy ýnıversıadaǵa qatysatyn Qazaqstan quramasyna Qostanaı oblysynan 4 sportshy endi. Olar: Halyqaralyq dárejedegi QR sport sheberi Anastasııa Krestova (short-trek), Halyqaralyq dárejedegi QR sport sheberi Aleksandr Klenko (konkımen júgirý sporty), QR sport sheberiniń úmitkeri Vıtalıı Pýhkalo (taý shańǵysy), «Gornıak» hokkeı klýbynyń qaqpashysy, QR sport sheberiniń úmitkeri Maksım Grıaznov.
Estafetaǵa arbamen sporttyq bal bıi boıynsha Azııa chempıony Malıka Muqtarova qatysty, ol alaýdy Rıo-de-Janeırodaǵy jazǵy Olımpıadanyń qola júldegeri Ivan Dychkodan qabyldap aldy.
