Ýnıversıada-2017: Alaý estafetasynyń óz ánurany shyqty
Ánuran mýzykasynyń avtory - belgili sazger, halyqaralyq baıqaýlardyń laýreaty, Eýrazııa mádenıet qorynyń prezıdenti Erulan Qanapııanov. Ánuran sózderin QR-nyń eńbek sińirgen qaıratkery, aqyn Shómishbaı Sarıev jazdy. Ánurandy «Astana Opera» teatrynyń jetekshi solısi Maıra Muhamedqyzy jáne Medet Shotabaev oryndady. Sondaı-aq, ánurandy jazýǵa «Art-Vokal» toby atsalysty.
Ánuran avtory Erulan Qanapııanov: «Ánurandy shyǵarý kezinde biz Qazaqstanda, bizdiń sulý qalamyz Almatyda álemdik deńgeıdegi asa mańyzdy sport jarystary ótetindiginen shabyt aldyq. Bizdiń megapolıske myńdaǵan sportshy, sport áýesqoılary men týrıster kelmek. Olar bizdiń tabıǵatymyzǵa tánti bolyp, almatylyqtardyń qonaqjaılyǵyna joǵary baǵasyn beretindigine senimdimin. Ótkizileıin dep otyrǵan Ýnıversıada kóptegen jastardyń sportqa degen qyzyǵýshylyǵyn arttyrady dep úmittenemin», dep atap ótti.
Al ánurandy oryndaýshy Maıra Muhamedqyzy Instagram-daǵy paraqshasynda: «Maǵan osy keremet ándi oryndaýdy usynǵan kezde ol maǵan birden unady. Al án janyńa jaqyn bolsa, ony óz júregińnen ótkizbeı oryndaý múmkin emes!», dep jazady.
Alaý estafetasynyń ánurany 2017 jyldyń 25 qańtarynda Astanadaǵy Nazarbaev Ýnıversıtetinde ótkiziletin Alaýdy tutatý saltanatynda, sondaı-aq, Qazaqstannyń búkil aımaqtarynda ótkiziletin estafetanyń kelesi kezeńderinde shyrqalatyn bolady.
