«Ýnıversıada-2013»: Qazaqstandyq semsershi Rýslan Qurbanov kúmis medal jeńip aldy
ASTANA. 9 shilde. QazAqparat - Qazaqstandyq semsershi Rýslan Qurbanov Qazan qalasyndaǵy Ýnıversıadada jeke birinshilikte ekinshi satydan kórindi.
Bul týraly Vesti.kz jazyp otyr.
«Altyn» úshin bolǵan sońǵy kezdesýde jerlesimiz qytaılyq qarsylasy Don Chaoǵa ese jiberdi.
R. Qurbanov birinshi aınalymda 15:13 esebimen portýgaldyq Joao Kordeırony tize búktirse, odan keıin 15:14 esebimen 3 birdeı qarsylasyn qapy qaldyrdy. Al jarystyń 1/4 kezeńinde otandasymyz reseılik Sergeı Hodosty súrindirse, gollandııalyq Trıstan Týlendi jeńip, fınalǵa shyqty.
