Ýnıversıada-2013: Qazaqstan jetinshi kúnniń qorytyndysy boıynsha 14-shi orynda qaldy
ASTANA. 13 shilde. QazAqparat - Qazan qalasynda ótip jatqan Ýnıversıadanyń 7-shi kúni jerlesterimiz kúmis jáne qola medal enshiledi.
Bul týraly Sports.kz jazyp otyr.
Jalpy esepte 375 kelini (168+207) baǵyndyrǵan aýyr atlet Aleksandr Zaıchıkov 94 kelige deıingi salmaq dárejesinde stýdenttik Oıyndardyń jańa rekordyn ornatqan reseılik Aleksandr Ivanovqa (395 (181+214) ese jiberdi.
Erkin kúres boıynsha 96 kelige deıingi salmaq dárejesinde úshinshi oryn úshin tartysta jerlesimiz Álıhan Jumabaev túrkııalyq Mustafa Ózdemırdi tize búktirip, qola medalǵa laıyq ekendigin tanytty.
Ziltemirshiler arasynda 6-shy orynnan kóringen Sergeı Istomın (105 keli) jáne Ibragım Bersanovty (+105) atap ótýge bolady.
Medaldar sany boıynsha:
1. Reseı - 169 (88,44,37);
2. Japonııa - 48 (13,17,18);
3. Qytaı Halyq Respýblıkasy - 41 (17,13,11);
....
14. Qazaqstan - 18 (2,7,9).
Qazaqstannyń Qazan Ýnıversıadasyndaǵy (6-17 shilde) medaldary:
Altyn (2): Margarıta Muqasheva (jeńil atletıka), Farhad Harkı (aýyr atletıka);
Kúmis (7): Rýstam Rýstamov, Jan Kosobýtskıı (boks), Aleksandr Zaıchıkov, Karına Gorıcheva (aýyr atletıka), Dımash Moldashev, Eskarhan Oskanov (belbeýmen kúres), Rýstam Kurbanov (semserlesý);
Qola (9): Qazaqstan (Rýslan Kurbanov, Dmıtrıı Aleksanın, Elmır Álimjanov, Dmıtrıı Grıaznov) (semserlesý), Álıhan Jumabaev, Berdah Pirimbaev (kúres), Erjan Jomart, Nurdáýlet Jarmanov (boks),Nıkıta Fılıppov, Evgenıı Ektov (jeńil atletıka), Aıan Ermekbaev, Gúlnur Erbolova (belbeýmen kúres).
