Ýnıversıada-2013: Qazaqstan onynshy kúnniń qorytyndysy boıynsha 21-orynǵa syrǵydy
ASTANA. 16 shilde. QazAqparat - Qazan qalasynda ótip jatqan Ýnıversıadanyń onynshy kúni, dúısenbide jerlesterimiz bir kúmis pen úsh qola júldeni oljalady.
Bul týraly Sports.kz jazyp otyr.
Elimizdiń áıelder quramasynyń sapynda óner kórsetken Olesıa Snegırevıch, ıÝlııa Morozova jáne Aleksandra Malınovskaıa 50 metrlik qashyqtyqtan shaǵyn kalıbrli myltyqpen úsh jerden atý komandalyq tartystyń nátıjesinde úzdik úshtikti túıindedi. 500 metrge kanoemen esýden Sergeı Emelıanov kúmis júldeni mise tutty. Jeńis tuǵyryna lıtvalyq Evgenıı Shýklın kóterilse, belorýssııalyq Andreı Bogdanovıch úshinshi satydan kórindi.
Grek-rım kúresi boıynsha 66 kelige deıingi salmaq dárejesinde úshinshi oryn úshin baq synasqan otandasymyz Ashat Jańbyrov rýmyn Razvan Motoıany 3:0 esebimen tize búktirdi. Nurmahan Tinálıev (120 keli) te reseılik Sergeı Andrýsıkti 3:1 esebimen jeńip, qola júldeni enshiledi.
Kanoemen esýden 200 jáne 500 metrdi baǵyndyrǵan Mıhaıl Emelıanov jáne Tımofeı Emelıanov tórtinshi satyǵa jaıǵasty. Mıhaıl Emelıanov, Tımofeı Emelıanov, Sergeı Emelıanov, Evgenıı Safronov tórttigi júldeli orynǵa qol jetkize almady. Qolany sarapqa salǵan Nursultan Tursynov (84 keli) ýkraındyq Jan Belenıýkten 1:3 esebimen utylyp qaldy. Er adamdar arasynda skıt boıynsha Vasılıı Strýchaev 6-shy orynnan kórindi. Myltyqtan 50 metr qashyqtyqqa jatyp atýdan elimizdiń erler quramasy (Ratmır Mındııarov, Aleksandr Ermakov, Ilıa Fedın) Qytaıǵa, Polshaǵa jáne Reseıge ese jiberdi. Ratmır Mındııarov jekeleı jarysta 4-shi oryndy qanaǵat tutty.
Medaldar sany boıynsha:
-
Reseı - 250 (126,67,57);
-
2. Qytaı Halyq Respýblıkasy - 67 (23,26,18);
3. Japonııa - 70 (20,22,28);
...
21. Kazaqstan - 26 (2,10,14).
Elimizdiń Qazandaǵy Ýnıversıadadaǵy (6-17 shilde) medaldary:
Altyn (2): Margarıta Muqasheva (jeńil atletıka), Farhad Harkı (aýyr atletıka);
Kúmis (10): Beıimbet Qanjanov (sambo), Sergeı Emelıanov - 2 (baıdarkamen jáne kanoemen esý), Rýstam Rýstamov, Jan Kosobýtskıı (boks), Aleksandr Zaıchıkov, Karına Gorıcheva (aýyr atletıka), Dımash Moldashev, Eskarhan Oskanov (belbeýmen kúres), Rýstam Kurbanov (semserlesý);
Qola (14): Ashat Jańbyrov, Nurmahan Tinálıev (grek-rım kúresi), Ajar Keńbeıil (sambo), Qazaqstan (Olesıa Snegırevıch, ıÝlııa Morozova, Aleksandra Malınovskaıa), Qazaqstan (Elvıra Akchýrına, Angelına Mışýk , Jánııa Aıdarhanova) (atý), Álıhan Jumabaev (kúres), Qazaqstan (Rýslan Kurbanov, Dmıtrıı Aleksanın, Elmır Álimjanov, Dmıtrıı Grıaznov) (semserlesý), Berdah Pirimbaev (kúres), Erjan Jomart, Nurdáýlet Jarmanov (boks), Evgenıı Ektov (jeńil atletıka), Aıan Ermekbaev, Gúlnur Erbolova (belbeýmen kúres).
