Ýnıversıada: 20 qańtarda el namysyn kimder qorǵaıdy

ASTANA. KAZINFORM - Italııanyń Týrın qalasynda ótip jatqan XXXII qysqy Ýnıversıadanyń altynshy jarys kúninde búgin, 20 qańtarda qazaqstandyq sportshylar bıatlon básekesinen synǵa túsedi.

Bıatlonnan erler arasynda 12,5 shaqyrymǵa iz qýalaý jarysynda Nıkıta Akımov, Kırıll Baýer, Vladıslav Kereev jáne Erjanat Qýandyq medalǵa talasady.

Al áıelder arasynda atalǵan jarysta 10 shaqyrymǵa iz qýalaý saıysynda Arına Krıýkova, Mılana Geneva, Aısha Rakısheva jáne Alına Skrıpkına óz baǵyn synaıdy.

Eske salsaq, Qazaqstan quramasy medaldar jıyntyǵy boıynsha jalpy komandalyq esepte 8-orynda keledi. El quramasynyń qorjynynda ázirge 3 altyn, 4 kúmis jáne 4 qola medal bar.

Eske salsaq, qazirge deıin qazaqstandyq sportshylar medaldar kestesinde úsh altyn, tórt kúmis, úsh qola aldy. El quramasy qorjynyna qos altyndy frıstaılshy Anastasııa Gorodko salsa, bıatlonnan 10 shaqyrymdyq sprınt jarysynda Nıkıta Akımov ta jeńis tuǵyryna kóterildi.

Al Aıaýlym Ámrenova men Anton Bondarev (ekeýi de frıstaıl juptyq-mogýl) jáne Denıs Zınov eki márte (parashańǵy, 10 shaqyrym, 1 400 metr sprınt) kúmis, Roman Qurbanov eki márte (parashańǵy, 10 shaqyrym, 1 400 metr sprınt), bıatlonshy Arına Krıýkova qola medal aldy.

Eske salsaq, 19 qańtarda hokkeıden Qazaqstan erler quramasy Slovakııadan jeńilip qaldy.