United Cup týrnıri: Elena Rybakına Germanııamen matchta Qazaqstandy alǵa shyǵardy

ASTANA. KAZINFORM – Aýstralııanyń Pert qalasynda Qazaqstan quramasy United Cup týrnıriniń shırek fınalynda ótken jylǵy chempıon Germanııamen betpe-bet keldi.

Alǵashqy oıynda álemniń 6-raketkasy Elena Rybakına dúnıejúzilik reıtıngide 80-orynda turǵan Laýra Zıgemýndpen synǵa tústi.

Birinshi partııada esep 3:2 bolǵan mezette Rybakına breık jasaı bildi – 4:2. Set bitkenshe sol basymdylyǵynan aıyrylǵan joq – 6:3.

Ekinshi sette qazaqstandyq tennısshi taǵy da alǵa ketti – 2:1. Taǵy bir breık – 4:1. Sosyn matchty taǵy bir breıkpen túıindedi – 6:1.

Bir saǵattan astam ýaqytqa sozylǵan báseke barysynda Rybakına 6 eıspen birge 7 breık-poınttyń tórteýin múlt jibermedi. Zıgemýnd 2 breık-poıntty paıdalana alǵan joq.

Osylaısha, Elena Rybakına Qazaqstandy alǵa shyǵardy – 1:0.

Budan keıin reıtıngide 78-satydaǵy Aleksandr Shevchenko álemniń 2-raketkasy Aleksandr Zverevpen kortqa shyǵady.

Sodan soń aralas juptyq básekege kezek keledi.

Eske sala keteıik, budan buryn United Cup týrnırinde Qazaqstan quramasynyń ótken jylǵy chempıonmen oınaıtynyn jazǵan bolatynbyz.

Sondaı-aq tennısshi Anna Danılına Brısben týrnıriniń shırek fınalyna shyqty.