United Cup: Qazaqstan - Polsha matchynda Tımofeı Skatov tarazy basyn teńestirdi
ASTANA. QazAqparat – Aýstralııanyń Brısben qalasynda United Cup komandalyq týrnıri aıasynda Qazaqstan - Polsha matchy ótip jatyr, dep habarlaıdy QazAqparat tilshisi.
Kortqa birinshi bolyp álemniń 1-raketkasy Iga Shventek pen dúnıejúzilik reıtıngide 51-orynda turǵan ıÝlııa Pýtıntseva shyqty.
Bul oıynda I. Shventek 6:1, 6:3 esebimen basym tústi. Bir saǵattan sál astam ýaqytqa sozylǵan kezdesý barysynda ol 1 eıs jasap, 5 breık-poınttyń tórteýin paıdalandy.
Sodan keıin álemniń 142-raketkasy Tımofeı Skatov pen reıtıngide 260-satydaǵy Danıel Mıhalskı sheberlik baıqasty. 2 saǵat 10 mınýtqa sozylǵan tartysty básekede T. Skatov 7:6 (9:7), 6:2 esebimen jeńiske jetti. Tımofeı 3 eıspen birge 10 breıktiń ekeýin óz esebine jazdy.
Osylaısha, Qazaqstan - Polsha matchynda esep teńesti – 1:1.
Eki el tennısshileriniń arasyndaǵy báseke erteń jalǵasady. Aleksandr Býblık Hýbert Gýrkachpen (10 ATR), Jibek Qulambaeva Magda Lınetpen (48 WTA) synǵa túsedi. Toptyq básekeniń sońǵy oıynynda A. Býblık pen J. Qulambaeva I. Shventek - H.Gýrkachpen kezdesedi.
Bıyl alǵash ret uıymdastyrylǵan United Cup komandalyq jarysynda Qazaqstan Shveıtsarııamen birinshi matchta esh qaıran qyla almaı, 0:5 esebimen jeńilip qaldy.
Eske sala keteıik, budan buryn Qazaqstan tennıs quramasynyń United Cup komandalyq týrnırine qatysyp jatqanyn jazǵan bolatynbyz.
Sondaı-aq, qazaqstandyq tennısshi ATP Challenger maýsymy boıynsha erekshe marapatqa ıe boldy.
Foto : Qazaqstan tennıs federatsııasy