UNICEF balalarǵa jasalatyn qatygezdik týraly erekshe vıdeo túsirdi

ASTANA. QazAqparat - UNICEF balalarǵa qatysty jasalatyn zorlyq-zombylyq máselesi týraly erekshe vıdeo túsirdi. Uıymnyń Qazaqstandaǵy ókildigi vıdeony áleýmettik jelide jarııalady, dep habarlaıdy QazAqparat.

Ýrýgvaı kóshelerindegi pantomıma ártisteri bala tárbıesine jetkilikti kóńil bólinbeıtin otbasynda qandaı jaǵdaılar bolatynyn, ata-ananyń qandaı qatigezdikke baratynyn kórsetti.

«Ýrýgvaıdaǵy ıÝNISEF eń mańyzdy dúnıeni sózsiz jetkizdi. Kóshedegi adamdardyń kóńil-kúıine qarańyzdar. Narazylyq, renish, muń. Iá, buǵan qaraýdyń ózi qıyn, biraq syrt kóz bolýy kerek», - delingen jazbada.

2018 jyldyń naýryz aıynda jarııalanǵan BUU Balalar qorynyń esebinde balalarǵa zorlyq-zombylyq kórsetýdiń álemdik másele ekeni aıtylǵan. Áıtse de, qatigezdik faktileri jabýly kúıinde qalyp otyr. Álem boıynsha 10 balanyń altaýyna jaqyndary únemi kúsh kórsetedi. Álemdegi 10 eresek adamnyń úsheýi fızıkalyq jazalaýdy qalypty dep esepteıdi jáne ol bala tárbıesi úshin qajet degen pikirde.

Sondaı-aq, esepte qazaqstandyqtardyń kópshiliginiń balalardy uryp-soǵýǵa kádýilgi dúnıe retinde qaraıtyny aıtylǵan. Eresekterdiń 2/3 bóligi bir nemese birneshe ret balalaryna qatysty psıhologııalyq jáne/nemese fızıkalyq qysym kórsetken. Internattyq mekemeler men mektepterde saýalnamaǵa qatysqan balalardyń 62% otbasynda taıaq jegenin aıtqan. Balalardyń 25-37% uryp-soǵýdyń kýási bolǵan.

Balalardyń quqyǵyn qorǵaý salasyndaǵy mamandardyń 46% otbasynda balalardy uryp-soǵyp jazalaýdy qoldaǵan.