Úńgirde úsh kún boıy túnegen stýdent ólmes úshin qabyrǵany jalaǵan
ASTANA. QazAqparat - AQSh-taǵy Indıana shtatynda 19 jastaǵy stýdent Lýkas Kavar úsh kún boıy úńgirde túnegen. Qasyndaǵylar ony baıqamaı úńgirdi jaýyp ketken.
Indiana Daily portalynyń habarlaýynsha, shól qysyp ábden qatalaǵan jas jigit ólmes úshin ylǵal qabyrǵany jalaǵan.
Qyrsyq shalǵanda, uıaly telefony jumys istemegen. Stýdenttiń ata-anasy onyń joǵalǵandyǵy jóninde habarlaǵannan keıin ekskýrsııany uıymdastyrýshylar úńgirge qaıta oralyp, ony qutqardy.
