Únemi keshigip júrýdiń psıhologııalyq sebebi bar - ǵalymdar

NUR-SULTAN. QazAqparat - Keshigetin qansha adam bolsa, keshý sebebi de sonsha bolýy múmkin. Degenmen, psıhologtardyń aıtýynsha, adamnyń keshigip júrýine beısana áser etedi, dep jazady QazAqparat The Guardian basylymyna silteme jasap.

«Bir bala kishkentaı kezinde anasynyń kesirinen kúnde sabaqqa keshigip baratyn. Anasy oǵan keshigýdiń esh sókettigi joq ekenin, erte barǵan adamdar da alańdaýly bolatynyn aıtqan. Sol sebepti ol erjetken soń únemi keshigip júrgen. Al erte bara qalsa, ol beısanaly túrde óz anasyn satyp ketkendeı sezingen. Osylaısha, únemi keshigip júretin adamdar beısanaly túrde áreket etedi», deıdi psıhologtar.

Olardyń aıtýynsha, adamnyń únemi keshigý sebebi - óte kúrdeli másele. Degenmen, bul adamnyń jetistikke jetýine kedergi keltiredi.

«Sondaı-aq adamnyń keshigip júrýine bir áreketti bitirip, ekinshisine kóshý arasyndaǵy shekaranyń bolmaýy da áser etýi múmkin. Bul da pıhologııada óte mańyzdy sebepterdiń biri», deıdi psıhologtar.